Зүү Утас

Өнөөдөр хичээл тараад гадаа ийм сайхан байхад алхаад харья гэж бодоод л явж байлаа. Тэгсэн нүдний буланд нэг дэлгүүрийн хаяаг тороод болддоггүй шүү. Туслах материалын дэлгүүр гэх юм уу тийм дэлгүүр байсан юм. Жижиг шүр зүү утас даавуу бүс тоног гээд л тиймэрхүү юм байдаг.Тэгээд орж 2цаг шахуу байж байгаад гарч ирлээ.

   Хууч сэдрээд үйл урламаар болоод баахан л юм авчихлаа. Тэгээд оройжингоо нөгөө хэдтэйгээ ноцолдож инээдтэй инээдтэй л юм хийлээ.  Ойрд ерөөсөө гар хүрээгүй байсан болохоор сайхан байлаа.

  Эмэгтэй юм гэсэндээ бас зүү утас нийлүүлэх дуртай байх юм аа чаавааас :) .  Хөдөлмөр гэдэг хичээлд олон жил суусан ч  ганц сурсан юм нь зүү ороох оёдлоо байсан юм Тэгсэн бүүр мартах шахсан байна ш дээ.Тэгээд өөрийн дуртай жакэтны дотор энгэрт нь нэг жаахан арга билэг оёчихлоо.
    Нетээр жаахан хайж зураг харсан чинь нэг хүн нөхрийнхөө хослолын энгэрт love you гээд оёчихсон зураг хөөрхөн санагдлаа. Би бол цамцных нь ханцуйн товчны нүхтэй булангийн тэнд жижигхэн зүрх оёвол илүү гоё юм байна гэж бодлоо. Бага зэрэг цухуйж байдаг биз дээ. Цаг зүүдэг талд нь оёчих хэрэгтэй юм байна :)

 ...Тэгсэн би амьдралдаа хоёр л хүнд  хөөрөгний даалин оёж өгнө гэж боддог байснаа саналаа. Аавдаа бас Хань даа. Одоо нэгийг нь оёх цаг болжээ. Энэ зун эхнийхийг нь аавдаа оёж өгнө өө. Худалдааны гоё гоё зөндөө л байдаг л даа. Гэхдээ би яг өөрт нь зориулаад оёж өгвөл бөөн хайраа шингээж шаглана ш дээ.  Худалдааных бол хурдан зарагдаасай гэж бодож оёдог байлгүй.

     Монгол эмэгтэй хүн байна даа. Хөх зүү хөндлөн барьдаггүй мухар гартай бол муухай ш дээ. Хүүхэддээ баривч эсгэж, ханийхаа энгэрийн товчийг бөхлөдөг л баймаар байна ш дээ.  Янз бүрийн биш юмаа гэхэд ядаж л энгийн сайхан дээл оёчдог байх хэрэгтэй болов уу.  /ээжээсээ суралц л даа :) /

Яаяаяаа уран ээжийн охин цаана аа өөр шүү ХаХа.


Үйл нь уран үг нь цэцэн байг

..... доошоо тайлбаргүй

" Зүр гурын зүсээр морьдоо ижилсүүлж уналаа
Сэтгэл сэтгэлээ таниад би хайраа ижилсүүлж ханиллаа
Сул хархан асгарах гэзэгний чинь үзүүрээр
Суусрын гүйдэл салхин шиг илбэн наадахыг хүслээ
Чамдаа би хайртай болохоор
Чанагш улирах амьдрал чамгүйгээр эзгүй

Цэцэг цэцгийн өнгөөр дээлээ ижилсүүлж гоёлоо
Заяа заяаны төөрөгтөө зүрхээ ижилсүүлж ханиллаа
Өндөр хангайн уулс шиг өргөн ханхар цээжинд чинь
Үглээ бяцхан шувуу шиг үүрээ засахыг хүслээ
Чамдаа би хайртай болохоор
Чанагш улирах амьдрал чамгүйгээр эзгүй
Чи бидэн хоёр оо

Өлзий хорол тооноо итгэлээ ижилсүүлж өргөлөө
Энгэр сүүтэй дэлхийдээ үрсээ дагуулан жаргая аа

Дурлал хайрын тэнгэртээ дуун эгшиг цалгиагаад

Дурдан цэнхэр орчлонд дүүрэн жаргахыг хүслээ
Чамдаа би хайртай болохоор
Чанагш улирах амьдрал чамгүйгээр эзгүй

Чи бидэн хоёр оо

"