Илүүдэхгүй үгс

Жаргалд орой гэж үгүй
Зовлонд ёроол гэж үгүй
Боломжинд хязгаар гэж үгүй 
Болж л өгвөл урагшаа зүтгэ!!!!

****************************************

Өвчтэй хүн эрүүл болбол жаргалтайсан гэдэг.
Өтөлсөн хүн залуу болбол жаргалтайсан гэдэг.
Эрүүл чийрэг, идэр залуу атлаа жаргалгүй амьдарч яваа хүмүүс юугаа хэлнэм. /Нагаржуна/

**************************************************

БИ-нандин бүхний дээдийг итгэл гэж боддог
БИ-ариун бүхний дээдийг хайр гэж боддог
БИ-зүтэл бүхний дээдийг амжилт гэж боддог
БИ-атаархал бүхний дээдийг шунал гэж боддог
БИ-жаргал бүхний дээдийг эрүүл байх гэж боддог
БИ-чимэг бүхний дээдийг залуу нас гэж боддог

***********************************************************

Нэг идэх хоол бол хугас өдрийн хань
Нэг өмсөх хувцас бол хагас жилийн хань
Нэг олдох нэр бол хамаг насны хань
Нэр үлдэж бие үхдэгийг бүү март!

*********************************************************


Би бусдын биш бусдад өгсөн хайрандаа жаргадаг болохоор
Би баялагийн далайд биш бодлынхоо тэнгист цэнгэдэг болохоор
Би бурханы зурсан замаар биш өөрийнхөө татсан жимээр явдаг болохоор
Би жигүүргүй ч бай дүүлж амьдарна...,

*********************************************************

Нутгийн зүг харцаан чилээхэд
Нулимас эрхгүй аяганаасаа халих юм
Гэрээсээ харуулдаа ижийгээ санахлаар
Гэнэт нутгийн зүг гүймээр болох юм....

********************************************************

Хүнд хэцүү үед надад тусалсан бүх
хүмүүст би маш их талархдаг
Хэн нь хэн болохыг надад таниулдаг
хэцүү мөчүүдэд мөн адил талархдаг  Шекспир

**********************************************************

Хэлж мэдэхгүй урт холын аянд
Хээрийн хөх шувуу мэт юутай удаан нисэв ээ
Буух газаргүй хуурамчхан юмаа энэ амьдрал
Буцад нисэхэд минь хэн намайг үдэх юм бэ

*********************************************************

Торгоны хээ нийлэхэд үйл бүтэн болдог

Элбэг дээл шиг нутгийнхаа эмжээр дээр уулзъя
Тогоотой сүү дэврэхэд галын бурхан баярладаг
Элэгдэж балраагүй судрынхаа баринтган дотор уулзъя
Эмтрээгүй итгэл цуураагүй сэтгэл Өвөрмонголчууд минь
Элгэн дотор нуугих амь халуун нулимс аа  Б.Занданхүү

***********************************************************

Зүг зүгт тэнүүчлэн бэдрэх зүрх сэтгэл минь
Зөн билгээн дагаж зүүдний учиг тайлахаар одмуй
Холыг үл ажран хэсүүчлэх хонгор сэтгэл минь
Хорвоог бүхэлд нь нэгжин хүслийн харгуйг эрмүй

***********************************************************

Бүлээхэн амьд явснаас ~ Халуухан үхэх таатай байлгүй
Босоо ч биш хэвтээ ч биш хоёрын хооронд амьдарлаар
Боол ч биш хаан ч биш цаг нөхцөөгөөд яах юм бэ
Асдаг юм бол дүрэлзэж байгаад дуусаач !
Асгардаг юм бол буцалж байгаад ширгээч !  Р.Чойном

***********************************************************

...Тэнгэрт тулсан зовлон тоочдог
Тоочсон зовлондоо өөрөө итгэж
Толгой мэдрэлийн солио тусдаг...