Skip to main content

Хурд, Жаргалсайхан, Сарантуая - Хамаг Монгол

Хүннү Сүннү Хамаг монгол эртний их түүх минь
Чингис Боорчи Мандухай цэцэн агуу дээдэс минь
Амь биеэ бодож хайрлалгүй тэмцэж явсан
Ариун дагшин онгон шүтээн миний эх нутаг
Алтай Хангай мянга мянган даваан дээр нь
Хадаг намирсан буурал шvтээн овоо тахилгатай
Хөрст дэлхийг айлгаж явсан арван гуравдугаар зуун
Хөдсөнн дээлтэй хувьсгал хийсэн хорин нэгэн он
Халхын гол Хайлааст манхан дөчин таван он
Хорвоо дэлхийд Монгол нэртэй миний эх орон
Үеийн үед заяа нийлсэн найрсаг амьдарсан
Үндэс угсаа нутаг нэгтэй олон ястнууд
Ийм сайхан эх болсон нутагаа
Хайрлахгүй байхын аргагүй
Ийм сайхан монгол эх орноо
Дуулахгүй байхын аргагүй
Цагаан гэр мал сүрэг минь эх нутгийн чимэг
Царцаан царгиа хөхөөн дуу эх нутгийн минь уянга
Шилбүүр унасан бор жаалууд эх орны минь ирээдүй
Ширхэг чулуу хээрийн өвс ч эх орны минь эрдэнэ
Хоосон алгаа дэлгэлгүй хадаг барьдаг монгол
Хоёрхон утастай морин хуураараа хорвоог хөгөлсөн монгол
Ийм сайхан эх болсон нутагаа
Хайрлахгүй байхын аргагүй
Ийм сайхан монгол эх орноо
Дуулахгүй байхын аргагүй

 ***********************************************************************
Их сайхан дуу бага байхад телевизээр их явдаг байсан. Саяхан олж сонсоод бүүр илүү сайхан утгатай дуу болохыг нь ихээр ойлгов. Хүн өөртөө байгаа юмны үнэ цэнийг амархан мартдаг шүү дээ. Тиймээс үе үе сануулж байвал зүгээр юм.

Labels:

Comments

Post a Comment

Popular posts from this blog

Монголын хуримлах ёсон

Найр найрын дундаас хамгийн халуун дотно, сүр жавхлантай, чухал билэгдэлтэй бөгөөд насан туршид ганц удаа тэмдэглэдэг нь хурим юм. Хэдийгээр хоёр талын сүйт бүсгүй, хархүү хоёр ёс заншил дагадаггүй байсан ч, өөрийн болон хадмын талын эцэг эх, уригдах зочид, монгол уламжлалаа хүндэтгэн хуримыг жамынх нь дагуу ёслол төгөлдөр гүйцэтгэх нь зөв юм. Хуримын цайллага хэрхэн болсноор залуу хосын амьдралын цаашдын зам мөрийг тодорхойлдог монгол ёс заншил өнөөдөр ч хадгалагдсаар байгаа. Доор өгүүлсэн ёс заншлыг хот газар бүгдийг нь үйлдэх боломжгүй учраас, заримыг нь орлуулан ёслож болно. Бэр болон хүргэн шинжих ёс Монголчууд эрт үеэс охиноо хадамд гаргахын өмнө хүргэн болох хүнээ шинжиж сайн хань болох хүн мөн үү гэдгийг урьдчилан мэдэцгээдэг байжээ. Айл гэрийн сүлд, өмөг түшиг болсоор ирсэн эзэн хүний таван шинж байдаг. Алсын хараатай, холч ухаантай, өршөөнгүй сэтгэлтэй, эв найртай, эрхэмсэг ёсыг сахиж чадвал өрх гэрийн эзэн болж чадна гэж үздэг. Хүүхний эцэг эх ивээл жилтэй хүнийг с...
Post a Comment
♥☺♥Гүйцээе гэвэл♥☺♥=>>

Монголын ардуудын зүйрлэж хэлсэн цэцэн үгсээс

Монгол ардын зүйр цэцэн үг цуглуулах гэсэн юмаа бүгдээрээ мэдэх үгээ нэмж туслаарай !!!! Нээх элбэг байдаггүйг цуглуулж байсан юм. Гэхдээ утга нь гүн болохоор бүгд л их сайхан.  Яриан дундуураа донжийг нь олоод хэлж байгаа  хүн их сайхан санагддаг. Би ч яах уу "ш дээ, шүү" гээсээ салах биш ХэХэ Итгэлийг олоход үнэн хэрэгтэй Эндүүг халахад шударга хэрэгтэй. Энэ бие хэврэг Эрхэм нэр мөнх. Ажилч хүний алдар мөнх Ардын сургаал аргагүй сайхаан Ачит эхийн гавьяа мөнх.  Төрхмөө голсон хүүхэн муу Төрлөө голсон хөвгүүн муу. Хийгээгүй байж хөөрөх муу Хийсэн гэж бардамнах муу. Хурц хутга гарт халтай Худал үг өөрт халтай. Танилтай бол талын чинээ Танилгүй бол алгын чинээ Зуун төгрөгтэй явснаас Зуун найзтай яв Харь газарт битгий нэрэлх Халуун зуураа битгий эрэлх өглөггүй бол баяжих хэрэг юу байна өргөлгүй бол насжих хэрэг юу байна
Post a Comment
♥☺♥Гүйцээе гэвэл♥☺♥=>>

ТИТЭМ ҮГ - “Зориг Эс Хүрвэл Ухаан Эс Хүрнэ”

  Монголын хүүхэд залуус бүгдээрээ суу билэгтэн болж чадахгүй ч сурч мэдсэн, ажилсаг бүтээлч, зөв хүн байж лавтай чадна. Аливаа зүйлийг бүтээхэд биеэ мэдэх мэдэл, өөртөө итгэх итгэл, эр зориг хэрэгтэй. “Биеэ мэдвэл хүн, бэлчээрээ мэдвэл мал” гэсэн монгол үг бий. Биеэ мэдэх гэдэг нь бүтээх үйлс, хүрэх зорилгоо ухаандаа бодон тунгааж, сэтгэлдээ мэдэрч, тэр бүгдээ бүтээх өөрийн чадал бололцоондоо гүн бат итгэх, улмаар эргэлт буцалтгүй итгэл үнэмшил болгох хувь хүний чадвар юм. “Биеэ мэдэж, бяраа таних”-ыг өвөг дээдэс бидэнд сургамжлан захисан. Энэ нь биеийн бярыг хэлэхээсээ ухааны бядаа танихыг илүүтэй бодсон хэллэг юм. Тэгээд ч биеийн бөхөөр нэгийг давна, ухааны бөхөөр олныг давна гэж хэлэлцэж ирсэн нь эрдэм ухааныг эрхэмлэх гүн гүнзгий утга агуулгатай билэг сургаал билээ. Өөртөө итгэх гэдэг нь өөрийн хүчиндээ итгэх ухаан чадал, сэтгэлийн тэнхээ, үйлдлийн даац билээ. Сурах, бүтээх чамбай хүсэл төрж, даацтай зорилго өмнөө тавьсан бол түүнийхээ төгс үр дүнг үзэх өөрийн итгэл гуй...
Post a Comment
♥☺♥Гүйцээе гэвэл♥☺♥=>>