My Comment: Таалагдахгүй Хүнтэйгээ харицахгүй байх Тансаглалыг өөртөө Зөвшөөр гээд л хэлээд байгаа юм шүү!!!. Худлаа найрсаг зан гаргаад хүнээс муу юм сураад байгаарай та гуай!
********************************************************************
Оюуны тэжээлээ зөв сонго!
2009 оны 01-р сарын 08, Нийтэлсэн Vision
Орчин бидний бодол санааг хэлбэржүүлж, бодох сэтгэх хэв маягийг тодорхойлдог. Жишээлбэл таны алхаа, аягаа яаж барьдаг, хөгжим, зугаа цэнгэл, эсвэл хувцасны сонголт гэх зэрэг бусдад огт байдаггүй зан араншин, зуршлаа бодоод үз. Энэ бүхний ихэнх нь ерөнхийдөө орчны нөлөөгөөр төлвшдөг. Хамгийн гол нь бодол санаа, зорилго, хандлага, зан авирыг бүгдийг нь орчин төвөлшүүлдэг.
Гутрангуй, сөрөг бодолтой хүмүүстэй удаан хугацаагаар харьцах нь сөрөг бодолд автаж эхлэх шалтгаан болдог.
Өнгөцхөн хүмүүстэй ойр дотно харьцаатай байх нь өнгөцхөн зуршлуудыг бий болгодог. Харин ухаан тэлсэн хүмүүстэй харьцах нь бидний сэтгэлгээний түвшинг дээшлүүлдэг. Шартай хүмүүстэй хамт байвал бид ч гэсэн шартай болдог. Зан чанар, амьдрал дахь байр суурь нь тухайн хүний орчны бүтээгдэхүүн гэдэгт өнөөдөр мэргэлжилтнүүд санал нэгддэг. Тэд бас хорин жилийн дараа та тэр чигээрээ тар цаг үеийн орчноос хамааралтай байна гэдгийг хүлээн зөвшөөрдөг.
Сараас сард, жилээс жилд та өөрчлөгдөнө. Үүнийг хүн бүрл мэддэг. Гэвч яаж өөрчлөгдөх нь таны орчноос, өөрөөр хэлбэл таны оюуны тэжээл юу байхаас хамаарна. Одоо ирээдүйд сэтгэл хангалуун байх нь таны оюун тэжээл гэдгийг мэдсэн болохоор аль болох өөрт хэрэгтэй зөв тэжээлээ сонгох нь таны л үүрэг билээ. Би таныг ямар хоолоор өөрийн бодлоо хооллоддыг мэдэхгүй.
Нэг хүн хоёр нохойтой байж гэнэ. Нэг нохой нь цагаан нохой, харин нөгөө нэг нохой нь хар нохой байжээ. Өнөөх хүн сар бүр өнөөх хоёр нохойгоо хооронд нь зодолдуулдаг байж гэнэ.
Би таниас нэг сонирхолтой асуулт одоо асууя. Энэ хоёр нохойны аль нь дийлдэг байсан бол? Хэдэн хоногийн өмнө найзаасаа асуусан чинь юу гэж хариулсан гээч! Хар нохой гэж хариулсан. Дараа нь би ахаасаа асуусан чинь цагаан нохой анчин нохой болохоор цагаан нохой нь дийлсэн байх гэсэн.
Харин таны бодлоор аль нь дийлсэн бол?
Өнөөх хоёр нохойд алинд сайн хоол өгсөн нь дийлдэг байжээ.
Бидний амьдралд яг үүнтэй адилхан зүйл амьдралд маань байнга тохиолддог шүү дээ.
Бидний бодол хоёр янз байдаг. Нэг нь хар, нөгөө нь цагаан. Бид хоёр нохой тэжээж амьдардаг. Бид одоо аль нохойгоо их хооллоно тэр л нохой ялдаггыг мэдсэн болохоор өөрийнхөө ирээдүйн төлөө хоолоо өгөх хэрэгтэй. За өнөөдрөөс бид ялж амьдрана шүү. Энэ ялалт хэн нэгнийг ялаад хохирооно гэсэн үг биш, бид өөрсдийнхөө сул тал дээр ялалт байгуулахыг хэлэхийг хүслээ. За таныг агуу их боломж хүлээж байна. Эцэст нь өөрийнхөө хэлэх, бодох дуртай үгээ хэлээд өндөрлөе. Боломж гэдэг нь өөрийгөө бэлдсэн хүнд л ирдэг юм шүү.
Comments
Post a Comment