“Аз Жаргалтай амьдрах ёстой” - Миний Зарчим

Биднийг аз жаргалтай ханамж таашаалтай байлгаж чадах зүйлийг ерөнхийд нь мөнгөөр үнэлэж болох зүйл, мөнгөөр үнэлэжболохгүй зүйл хоёр ангилж үзэж болно.

/Энэ хоёрын аль нэгийг нь ор мөргүй гэж үгүйсгэж бичихийг хүссэнгүй уялдаа холбоог нь сийрүүлэв/

  Юуны түрүүнд мөнгөөр үнэлэж болох баяр таашаалын тухай яривал дараагийнх нь илүү ойлгомжтой болно.

Үүний тулд эхлээд мөнгө гэж үнэндээ юу юм бэ гэдэгт хариулт өгье.

 Хүн өөрийн хүссэн бүхнээ өөрөө хийж хэрэглэхэд чадвар дутаж, цаг хугацаа ч хүрэхгүй л дээ

Хүн өөрөө чаддаг,  бусдад хэрэгтэй зүйлийг хийж өгөөд оронд нь өөртөө хэрэгтэй ч өөрөө хийх боломжгүй зүйлээрээ солиж амьдардаг.

• Энэ солилцоог ойлгомжтой, хялбар болгох үүднээс мөнгө гэх зүйл үүссэн.

 Мөнгөний илэрхийлэмж бол чадамж. Өөрөөр хэлбэл ямар нэг зүйлийг бий болгох чадвар. Харин Эсрэгээрээ ямар нэг зүйлийг бий болгох чадварын буюу чадамжийн үнэлэмж бол мөнгө юм. /Чадамж нь дотроо сайн муу гэж байна./

   Ерөнхийдөө бол чаддаг зүйлээрээ чаддаггүйгээ солих гэсэн үг. Бас бүх чадамж ижил үнэлэмжтэй байдаггүй. Барагтай хүн хийчихдэггүй бусдад чухал хэрэгтэй зүйлийг хийж чадвал түүнийгээ илүү өндрөөр үнэлүүлнэ. Их эрч хүч, оюун бодол, цаг заваа зарцүүлсны шан ч гэж ойлгож болно.

 Үүнээс мөнгө гэдэг бол муу муухай зүйл биш юм. Буруу бусармаг чадамжаар мөнгө олдог хэсэг бүлэг хүмүүсээс үүдэж мөнгө бохир нэр л зүүсэн төдий. Түүнээс мөнгө олдог хүнээр бахархах ёстой их мөнгийг бол барагийн хүн олж чаддаг юм биш  гойд чадамжтай л хүн олдог. Бас өөрийн чадамжаар олсон мөнгөндөө хайртай байж түүнийгээ сэтгэл хангалуун өөрт хэрэгтэй  зүйлдээ зөв зарцүүлдаг байх нь маааш чухал.

   За ямартай ч ямар нэг зүйлийг хийж бүтээхэд бидний амьд явах, жаргах цаг хугацаанаас багагүйг зарцуулагддаг.

Эндээс мөнгө нь жаргалтай амьдрах цаг хугацаатай шууд хамааралтай нь харагдаж байна.

Мөнгө нь амьд явах хугацааны тухай асуудал болохоор хүн мөнгөнд их учиртай хандах хэрэгтэй. Хүний амь нас гэдэг чинь хичнээн үнэ цэнэтэй билээ дээ.

Чадамжийг мөнгөөр илэрхийлснээр нэг чухал чанар бий болж байгаа юм. Тэр нь хүнээс хүн хооронд шилжүүлэх юм.

   Ийм чанар нэмэгдснээр хүнд ямар нэг зүйлийг өгөх зарцуулах гэдэг бол  амьдрах цаг хугацаанаасаа зориулж байна гэсэн үг л дээ. Ямар уярам гээч. Тиймээс еерийн тань телее бага ч гэсэн зvйл зарцуулсан хvнийг санаж ҮНЭЛЖ хүндэтгэх ёстой. Оронд нь таарсан хариуг нь барьж сурах хэрэгтэй.

Хандив тусламж гэдэг нь нэг талаас харахад цэвэр өгөлт юм шиг болов ч мөн чанартаа бас л солилцоо юм. Өөртөө илүү байгаа зүйлийг өгч өөрт хэрэгтэй байгаа зүйлээ авч байгаа хэрэг л дээ.

  Мөнгөн тусламж өгч оронд нь негее хэрэгтэй юмаа авсан хүнээс их талархал, баяр баясал, хайр хүндлэл ирнэ. Энэ нь энергийн түвшинд эргээд их хүчтэй эерэг энерги болон ирдэг байх жишээний. Тэндээс ирэх их эрчим хүчээр сэлбэгдэж дахин илүү олон зүйл хийх боломжийг бий болгоно.

Өөрт оноогдсон энэ хэмжээ хязгаартай цаг хугацаа, минут секунддээ хайр найргүй хандах юм даа. Хүмүүс мөнгөний тухай ингэж  бүрэн ухамсарладаг бол нэг ч хоромыг аз жаргалтай бусаар өнгөрөөхгүй байх байсан бизээ.

Мөнгө хэдий цаг хугацааны үнэ цэнэтэй зүйл хэдий ч аз жаргалтай амьдрахад туслах НЭГ л зүйл юм. Их мөнгө оллоо олохсон гээд мөнгөний араас хэт үхэн хатан зүтгэж өөрөө баяр баясалгүй зүрх сэтгэлдээ хайргүй амьдрах нь буруу. Мөнгийг аз жаргалтайгаар олж аз жаргалтай байхын телее  мөнгийг бүрэн ашиглаж чадаж байвал тэр л хамгийн зөв.

Дараах нь Мөнгөөр үнэлэгддэггүй биднийг аз жаргалтай байлгах хvчин зүйл.

Энэ бол мэдээж Чин зүрхний хайр. Үүнээс бусад өөр бүх л зүйлийг мөнгөөр арилжаа хийж авч болох ч энэ л Чин зүрхний хайр гэгч л мөнгөнөөс ангид хэзээ ч мөнгөөр үнэлж худалдан авч болдоггүй зүйл юм. Тиймдээ ч үүнд хүний амьдралын ГОЛ утга учир болсон жинхэнэ аз жаргал, ханамж таашаал, хүн болсны хэрэг оршдог.

Амьдралд Үнэ цэнэгүй юм гээч хаана ч үгүй. Мөнгөөр, биет биш юмаар биш ч гэсэн сэтгэл, энерги мэдрэмжийн хувьд ч юмуу ямар нэг байдлаар угаасаа заавал нэг төлбөр төлдөг.

    Их сэтгэл, оюун бодол танд зориулж гаргасан хүнд их өндөр төлбөр төлөх хэрэг гарна шүү ☺ Гэвч хүний сэтгэл гэдэг мөнгөнөөс хамаагүй илүү үнэ цэнэтэй тул мөнгөөр бүрэн дүүрэн  илэрхийлэх боломжгүй.

Гэр бүлийн харилцаа, хайр сэтгэлийг бас нэг төрлийн өгөө аваа гэж үзэж болно л доо. Гэхдээ энэ бол мөнгөнөөс ангид өөр төрлийн,  мөнгөөр үнэлэмж тогтоох зүйл биш болоод явчихна. Үүнийг мөнгөтэй хутгаж мөнгөөр үнэлнэ гэдэг хамгийн бүдүүлэг, шударга бус үнэлэмж болно.

Хамгийн дөхөж очих үнэлэмж нь эргээд яг тийм хэмжээний хайр, сэтгэл юм.

Дахин сануулахад мөнгөтөй ч бай үгүй ч бай Аз жаргалтай л амьдрах ёстой. Мөнгөнийг улам илүү сайхан Аз жаргалтай байхдаа л ашиглаж болдог хэрэгсэл болохоос мөнгө аз жаргалыг бий болгодог уг үндэс нь биш.

Чамд хүн төрлөхтөнд үнэлүүлэх чадвар бий аваас түүнийгээ үнэлүүлж мөнгө авах нь зүйн хэрэг. Чамд тийм чадвар үгүй аваас олж чадахгүй мөнгөний араас тэгэж тарчлан зүтгэх хэрэг юун!? Чадал чадвар чадамж боломжийнхоо хэрээр зүгээр л аз жаргалтай амьдар. Аз жаргалыг мэдэрдэг болохоос хаа нэгтээгээс авдаггүй юм.

Их мөнгийг олж чадсан хүн хэдэн зуун жил амьдарсан мэт юмыг үзэж харж туулж мэдрэх боломж нээгдэнэ. Гэвч жинхэнэ хайрыг олоогүй бол тэр олон жилийг жинхэнэ баяр жаргалгүй өнгөрөөж буй хэрэг юм.

Хайрыг мөнгенөөс илүү тавьдагийн минь учир энэ. Хайр хамгаас хүчтэй, Хамгаас сайхан.

Амьдрах цагаа бүгдийг нь мөнгө болгох нь буруу гэдгийг хүмүүс ойлгох хэрэгтэй. Мөнгөөр авч болдоггүй тийм үнэтэй зүйлдээ гол анхаарлаа төвлөрүүлж АЗ ЖАРГАЛтай Хайр дүүрэн  амьдрах нь зүйтэй.

Дахиад хэлье Аз жаргалыг мэдэрдэг болохоос авдаггүй юм.